Poema colectivo de arte menor

HIMNO PARA A CHEGADA DO 2011

http://listen.grooveshark.com/s/Mi+a+Terra+Galega/2rkdHK

1

Erguede as vosas mans

amosádeas baleiras

ensinade a vosa paz

sen armas defendédea

2

Xogade ao respecto

xogade a ser sinceros

xogade a non ter medo

3

O amor é movemento

este é o mellor momento

4

Loitamos por un mundo novo

loitamos por un mundo antigo

polo ben de cada ser vivo

5

Liberdade de aprender

liberdade de saber

para poder escoller

6

Escoller o que comer

escoller o que poñer

como vivir escoller

7

Alzade as mans, galegos,

alzade tamén o berro

ergamos o sentimento

non cometamos máis erros

8

Loitade, irmáns, loitade

a violencia é unha fogueira

chamas de desigualdade

queimando a túa caveira

9

Só hai desesperación

con violencia na rúa

a guerra non é solución

non che caiba a menor dúbida

10

Labradores do campo

deixade o gran medrar

apañade os fouciños

que hoxe saímos ceifar

11

A nosa liberdade

de ouro hase voltar

sacharemos a terra

farémola agromar

12

Xa imos escorrentar

aqueles que o merecen

botaremos de aquí

quen nos queira explotar

13

Berraremos dende os ríos

dende os máis lonxanos mares

dende as praias, dende os montes

ata as vilas e as cidades

14

O mundo nunca foi noso

os ventos xa estaban antes

os peixes e máis as aves

non destrúen os seus lares

15

A terra xa está morrendo

os seus fillos son suicidas

evitemos que os netos

respiren máis pesticidas

16

Aínda estamos a tempo

de mudar comportamentos

de facer que este mundo

non se volva un cemiterio

17

Ten que haber algún lugar

moi dentro do corazón

en que a paz estea a brillar

máis que unha explosión

18

Polo camiño da paz

nacerá unha nación

para toda a humanidá

será a nación do perdón

19

Xa é tempo de limpar

e enxoitarmos os choros

seremos todos irmáns

na alegría dos poros

20

Queridos nenos e vellos

queridos, queridos todos

hoxe é o noso futuro

dirixídeo a modo

21

Todo home é unha árbore

moi dereitiña a medrar

non queremos que se torza

a árbore do mañán

22

Dime cantos anos tes

e direiche como es...

os mozos sonche de pais

que colleitan o poder

de mudar, mudar, mudar

para todo acontecer

Hip Hop de Senegal en wolof

http://www.kingsize.sn/loufa

O movemento Agrario

Directorio Antiforista de Teis

5 de xaneiro de 1908

Agrarios de O Grove

HIMNO DE ACCIÓN GALLEGA

¡Irmáns! ¡Irmáns galegos!
Desde Ortegal ó Miño
a folla do fouciño
fagamos rebrillar!

Que vexa a vila podre,
coveira da canalla,
a aldea que traballa
disposta pra loitar.

Antes de ser escravos,
irmáns, irmáns galegos!
que corra o sangue a regos
desde a montaña ó mar.
Ergámonos sen medo!

Que o lume da toxeira

envolva na fogueira
o pazo señorial!

Xa o fato de caciques
ladróns e herexes fuxe
ó redentor empuxe
da alma rexional!

Antes de ser escravos,
irmáns, irmáns galegos!
que corra o sangue a regos
dende a montaña ao val.

Ramón Cabanillas



Este é un poema escrito por Ramón Cabanillas no que o autor se ve integrado e fala como se fose un destinatario máis do poema, pois nel diríxese ao pobo galego para espertar nel o espírito rebelde fronte aos abusos dos amos da terra que escravizan os campesiños, para reclamaren os seus dereitos. Para facer isto o autor non utiliza unha forma de escritura moi adornada, o importante é a mensaxe e debe dicirse claramente para que o pobo a entenda. Podemos atopar algunhas hipérboles que dan contundencia ao que se quere transmitir, fálase de "derramar sangue a regos", pero o recurso máis utilizado é , sen dúbida, a invocación para alentar a rebelión. A voz lírica é un eu plural, un nós para demostrar que el se ve implicado na causa.
O poema son seis cuartetas de versos heptasílabos, con rima consonante no medio das estrofas e asonante os 4ºs versos entre eles, quedando o 1º solto. O ton é o adecuado para un himno e serviu para alentar as revoltas agrarias de principios do século XX pola redención dos foros.
Asinado: Luar, alumno de 4ºESO B

http://www.galizacig.com/actualidade/200801/mm_a_longa_loita_antiforal.htm