Pausas pictográficas

PICTOGRAMAS 2017

BOA COLLEITA!
PARABÉNS A TODOS OS ARTISTIÑAS DO URUGUAI!

Pictografías

Videomontaxe cos pictogramas realizados polos máis novos do instituto. Non están todos os que son pero son todos os que están. Moitos quedaron na casa "perdidos", outros entregáronse tarde de máis e outros non están rematados aínda. Tendes todos moito talento para a expresión visual, deberiades telo en conta para o futuro. Saúdos pictográficos!

MÁIS PICTOGRAMAS RE-CREATIVOS

 unha abella comunicándose en círculos

 unha árbore camuflada

 un autobús que nos viña moi ben para coñecer a nosa terra de maneira práctica e autoxestionaria

 unha bóla española

 un cabaliño do demo sicodélico

 un can que deixa as pegadas do seu nome

 unha cara moi mona

 un grandísimo cero

 unhas follas de millo que se xuntan para facer escritura colectiva

 unha maceira para merendar comodamente

 unha mesiña reciclada que coxea dunha pata

 un móvil de última de- xeneración

 unha paisaxe animada

 uns ratos roedores que pararon un intre

 un tv ultraplano do grosor dun folio

 e....todo tipo de xoguetes ultradidácticos!

PICTOGRAMAS 2015

De novo sucedeu. Falando e falando de escritura e tipografía á hora de deseñar letreiros para os cultivos da horta, demos cos pictogramas chineses, que son a máxima expresión plástica da escritura humana. Pero tamén podemos xogar a ideografar coas nosas letras latinas e os resultados foron moi xeitosos. Por aquí hai tipografada unha caléndula, por alá un café por acolá unha chave perdida, un pirata, un peixe pirateado, un submariño amarelo, un ovo cósmico que contén todo o sol, unha nube e un feixe de chuvia, un reloxo marcando unha hora bendita e moitas outras propostas que non se presentsaron aínda como é debido, é dicir, rematadas. Os autores son de 1º A e aposto que nos outros primeiros non tardarán en agromar máis palabrogramas enteiros e completos. Parabéns ao alumnado máis novo por deslumbrarnos outra vez.

PALABROGRAMAS, A PICTOGRAFÍA DA PALABRA ESCRITA

Estes días descubrimos o gran potencial plástico das palabras escritas. Entón,  comprendemos a forza do pictograma oriental. Todo un mundo por descubrir nas linguas alfabetizadas de Occidente. Velaquí algúns dos nosos achados:

Se fas clic na foto poderás vela máis grande